DadoK & Mamli во новиот настан на Roomania. Нова инди денс и афро хаус диџеј екипа во клуб Епицентар.
За разлика од претходните настани на ROOMANIA, во следниот настан ќе промовираме поразличен музички правец од вообичаениот кој го промовираме. За таа цел букиравме соодветно избрани артисти, кои несомнено музички ќе се надополнат едни со други. Клубот Епицентар овој Петок ќе танцува на инди денс звуци, афро хаус, прогресив и мелодично техно. Како специјални гости на настанот ќе ни се придружат електронското дуо DadoK & Mamli од Куманово, во придружба на новите резидент диџеи на Roomania, DIMITR & DJ Alexandar.
Во продолжение дознајте повеќе за артистите:
Македонското електронско дуо DadoK & Mamli е спојка на двајца пријатели со иста пасија за електронска музика. Од 2017 година, до ден денес, Александар Младеновиќ и Давид Крстевски го делат истиот музички вкус. Сетовите на нивните настапи, жанровски опфаќаат прецизна селекција на прогресив хаус, афро хаус и мелодично техно. Во изминатите години, диџеј кабината ја имаат делено со артисти како Adriatique, Magdalena, Roy Rosenfield, Marko Nastic, Space Motion итн. Имаат настапувано на повеќе фестивали и настани низ Македонија каде се промовира модерна електронска музика, а деби настап имаа и во белградксиот клуб DOT, под организација на промотерската асоцијација “Night Shift” од Белград.
Mamli се запознава со електронска музика во 2006 година, каде започнува да истражува и проучува музичка продукција. Како транс артист, првото издание го издава во 2009 година под псевдонимот Asterion за “PSY Moon records” од Србија. Од 2011 година го менува стилот и започнува длабоко да влегува во прогресив хаус и мелодично техно. Во Мај 2021 постигнува голем успех со изданието “Ethnic SAZ”, за Blindfold Recordings, во друштво со Baime, Mia Mendi, Several Definitions. Изданието стигна до фолдерите на Hernan Cattaneo, кое го врти на стрим на Beatport, за 60тиот роденден на Denny Tenaglia. Добива поддршка и од Kadosh, Animal Trainer, Avidus, Luke Garcia, Djuma Soundsystem, Lonya итн.
Dado K ја започнува својата кариера во 2011 година со првиот официјален настап во кумановскиот андерграунд бар “Wire”. Првиот жанр со кој ја почнува кариерата е electro industrial techno, кој подоцна го менува во Melodic Techno и Afro House, со кој се издигна на македонската електронска сцена.
Пред да започне со диџејство, DJ Alexandar e под силно влијание на англиските њу вејв звуци, бендови како New Order, Soft Cell, Frankie goes to Hollywood, Madness, The Cure, Culture Club, Depeche Mode, Bronski Beat итн. Тоа влијание може сеуште да наиде во неговите плејлисти. Во зависност од приликата, неговите сетови главно се состојат од прогресивен хаус, мелодично техно или vocal и deep хаус. Првиот настап го има во 1999 година во клуб Majestic, Охрид, а во соработка со Авалон продукција ги загревал концертите на Pink и The Faithless и делел иста кабина со Artbat, Paul van Dyk, Paul Oakenfold, Eric Prydz, Bob Sinclair итн.
Електронската музика станува дел од секојдневието на DIMITR и го предизвикува длабоко да навлезе во нејзино истражување. Фанатик на технологија и музичка опрема, кој експериментира со звуци и континуирано го надградува своето студио и вештини за музичка продукција. Како резидент диџеј на Roomania настаните ќе промовира нов стил на денс музика, препознатлив како Инди денс, а популарен кај доста артисти од израелската електронска сцена, мексичката, итн. Влече влијание од разни жанрови на електронска музика, а омилени артисти/композитори му се Red Axes, Mathew Jonson, Khidja, Be Svendsen…
Pre-party за настанот ќе се случи во Makka Bar, со почеток од 22 часот. Основачите на Roomania, Mitrik & Samardjiski, ќе ја сетираат и разиграат вечерта. Настанот во Епицентар започнува веднаш по полноќ и ќе трае до раните утрински часови.
Цената на влезниците е 200 денари и ќе може да се набават на самиот влез. Дозволениот капацитет на дискотеката ќе биде до 50 %.
Се гледаме на подиум !!!